IV KROS-LASTERKETA ETA BTT MARTXA

Hasi bernak berotzen!!

Ekainaren 7an izango da Armentia Ikastolaren IV KROS-LASTERKETA ETA BTT MARTXA familia giroan.

Aurreko hiru urteetan bezala, aurtengoa ere Armentiako parkearen eta basoaren inguruan izango da.

Guraso eta irakasle talde bat lanean ari gara dagoeneko ekitaldia antolatzen.

Aurten ere gure lasterketa Arabako herri-lasterketen zirkuituan dago, Atletismoko Federazioaren babesarekin.

Iazko edizioan pozgarria izan zen partehartzaileen kopuru handia:

•  Ikastolako gurasoak eta irakasleak: 27 korrikalari
  
• Ikastolako ikasleak (>14 urte): 18 korrikalari.
  
•  Guztira: 182 korrikalari.
  

Baina aurtengoan oraindik partehartzaile gehiago bildu nahi dugu. Animatu eta zatozte zuek ere. Hasi entrenatzen!!

Eta kros-lasterketan korritu nahi ez duzuenok, goiz ederra igarotzeko aukera izango duzue bizikleta martxan, zuen seme-alabekin.

Iaz, eguraldiak lagundu ez zuen arren, partehartze handia izan genuen, guztira 210 txirrindulari. Ez da makala. Oso gustora egon ginen, eta gure eskerrona agertu nahi dizuegu parte hartzeagatik.

Badakizue, bada. Datorren ekainaren 7an, igandea, zita dugu Armentiako Basoan. Guztiontzako egokia izango da, eta jaso lehenbailehen zuen egutegian.

Armentian elkartuko gara!!

Eguna: 2009ko ekainaren 7a, igandea Tokia: Armentiako parkea Orduak: Kros-lasterketa: 10:30ean.  Distantzia: 6,5 km ggb. BTT martxa familia giroan: 12:00etan

Emaiozu bira Armentiako basoko eraztun berdeari Armentia Ikastolarekin

KROS-LASTERKETA: 6,2 Km
BIZIKLETA-MARTXA FAMILIA GIROAN: 4,7 Km

Izen-emateak

Maiatzaren 30a baino lehen toki hauetan:
-Armentia Ikastolan
Armentxo Guraso Elkartea. Maiatzaren 14tik 30era, arratsaldeko 17:00etatik 18:30era
-Internet bidez
Ikastolaren blog honetan:
http://www.krossbttarmentia.blogspot.com/
-Lasterketa egunean bertan
Lasterketa hasi baino ordu bete lehenago, irteeraren gunean

Kuota

Dirua Euskadiko Kutxaren kontu-zenbaki honetan sartu behar da;

3035 0206 58 2061037685

Kros-lasterketa
Indibiduala
· aurrez izena emanda 5 €
· lasterketa egunean izena emanda 7 €
· sariak egongo dira:
Sailkapen nagusiko 3 lehen sailkatuentzat, bai emakumezkoetan bai gizonezkoetan
Armentia Ikastolako gurasoen artean lehen 3 sailkatuentzat, bai emakumezkoetan bai gizonezkoetan
Armentia Ikastolako ikasleen artean lehen 3 sailkatuentzat, bai gizonezkoetan bai emakumezkoetan
Sailkapenak EL CORREOko ostegunetako gehigarrian argitaratuko dira

Bizikleta-martxa familia giroan
Indibiduala
· aurrez izena emanda 5 €
· martxaren egunean izena emanda 7 €
Familiaren bonoa (gehienez lau lagun)
· aurrez izena emanda 10 €
· martxaren egunean izena emanda 12 €
Kaskoa eramatea derrigorrezkoa izango da.

Sariak zozketatuko dira parte hartzen duten guztien artean.